Home Sosial & Politika Saneamentu Baziku Importante, Valerie: Labarik Sira Moris Iha Uma Laiha Sintina Iha Risku Boot

Saneamentu Baziku Importante, Valerie: Labarik Sira Moris Iha Uma Laiha Sintina Iha Risku Boot

216
0
SHARE
Saneamentu Baziku Importante, Valerie: Labarik Sira Moris Iha Uma Laiha Sintina Iha Risku Boot

Caption: Reprezentante UNICEF, Valerie Taton. [Foto: Santina Lucia da Costa | 19.02.2020]

“Hadi’ak saneamentu ne’e kritiku, atu nune’e labele hamosu risku moras ba labarik no kombate mal-nutrisaun. Husi peskiza ai-han no nutrisaun tinan 2013 hatudu katak, labarik sira moris iha uma ne’ebe iha sintina hetan risku ki’ik liu, kompara ho sira ne’ebé moris iha uma ne’ebé laiha sintina”. Valerie

Ministeriu Saude serbisu hamutuk ho Ministeriu Estatal halao lansamentu konaba Planu ASaun Komunidade Saneamentu no Ijiene [PAKSI] no sosializasuan grupu suporta inan iha municipio Dili.

Reprezentante UNICEF, Valerie Taton iha lansamentu PAKSI hateten planu asaun ba komunidade konaba saneamentu no ijiene nudar abordajen importante ida, hodi hadiak saude no nutrisaun iha mundu. Ida ne’e involve estratejia xave ne’ebé komunidade sira bele kontribui ba susesu, hosi inisiativa ida ne’ebé finalmente bele fó benefisiu ba labarik, familia sira  no komunidade tomak.

“Hadi’ak saneamentu ne’e kritiku, atu nune’e labele hamosu risku moras ba labarik no kombate mal-nutrisaun. Husi peskiza ai-han no nutrisaun tinan 2013 hatudu katak, labarik sira moris iha uma ne’ebe iha sintina hetan risku ki’ik liu, kompara ho sira ne’ebé moris iha uma ne’ebé laiha sintina”, hateten Valerie.

Valerie mos hateten iha evidensia global hatudu katak saneamentu komunidade ne’ebe la diak, aumenta kazu diarea, ne’ebe afeita ba labarik sira nia estatutu mal-nutrisaun. Iha 25% husi labarik sira tinan rua  mai kraik bele atribui ba hetan beibeik moras diareia, labarik sira falta eskola tanba hetan moras, “tanba ne’e importante tebes atu garante komunidade hotu espesialmente, labarik ho idade ki’ik sira moris iha ambiente livre husi soe foer boot arbiru no ambiente moos”.

Entretantu Reprezentante Embaixadór Uniaun Europeia, Andrew Jacobs hateten, Uniaun Europeia orgullu, hodi suporta esforsu governu nian ho efektivu, hodi harii demokrasia no hadi’ak dezenvolvimentu sosial no ekonomia iha Timor-Leste, suporta uniaun europeia nian sai hanesan mós xave, hodi haforsa kapasidade instituisaun rekursu humanus, ne’ebé ho objetivu atu hadia moris timoroan hotu liuliu ba feto no labarik sira.

Lansamentu estratejia PAKSI iha Dili ho ambisiozu katak sei lori mudasan positive ba komuidade sira. Sei implementa iha suku 36 no aldeia 241 ne’ebe sei benefisia populasaun 270.000 iha munisipiu Dili. * [ Santina Lucia da Costa | Editor: Zevonia Vieira | TAFARA.TL | 19.02.2020 ]