Home Sosial & Politika CNC Disemina Relatoriu CHEGA Iha UNITAL, Hugo: Ema Iha Direitu Atu Hatene Konflitu Hosi 1975-1999

CNC Disemina Relatoriu CHEGA Iha UNITAL, Hugo: Ema Iha Direitu Atu Hatene Konflitu Hosi 1975-1999

157
0
SHARE
CNC Disemina Relatoriu CHEGA Iha UNITAL, Hugo: Ema Iha Direitu Atu Hatene Konflitu Hosi 1975-1999

Caption: Diretor CNC, Hugo Fernandes, Reitor UNITAL Florindo hamutuk ho partisipante sira seluk hodi hare livru sira ne

“Iha pais sira ne’ebé foin sai husi konflitu nia laran, hanesan Timor konflitu durante tinan 24 husi tranzisaun sira hatudu ba mundo katak presiza buat barak ne’ebé halo, nune’e bele aprende husi pasadu”. Hugo

Centro Nasional Chega [CNC] nudar instuisaun publiku, ne’ebe harii husi governo hodi bele tau matan ba rekomendasaun husi relatório hosi Comissão de Acolhimento, Verdade e Reconciliação

CAVR no Comissão Verdade no Amizade [CVA]  ne’ebé hahu nia knaar husi tinan 2001-2005,   hakerek relatorio  ida ho naran CHEGA (portugues) signifika ho lian tetun  “TO’O ONA” koalia liu kona ba aktu violentu sira ne’ebé akontese iha nasaun ida ne’e, nune’e iha tinan 2008 estabelese tan CVA, atu hare kona ba relasaun entre Timor-Leste ho Indonesia ne’ebé nakonu ho historia moruk, atu hare hamutuk fila fali no hakat ba oin, tanba la implementa ba relatorio sira ne’e entaun iha 2016 deside hodi hari CHEGA.

Liu hosi dezaminasaun informasaun konaba istoria, Direitor Exekutivu CNC, Hugo Maria Fernandes hatoo katak eventu ida ne’e atu dezamina kontiudu husi relatorio rua ne’e ba estudante sira liga seitor sira ne’ebé iha relasaun ho edukasaun.

Hugo realsa liutan katak iha pais sira ne’ebé foin sai husi konflitu nia laran, hanesan Timor konflitu durante tinan 24 husi tranzisaun sira hatudu ba mundo katak presiza buat barak ne’ebé halo, nune’e bele aprende husi pasadu

“Pilar importante husi tranzisaun ne’e mak bolu ema iha direitu atu hatene husi 1975 too iha 1999 sa mak akontese husi tinan 24, tanba ne’e iha ambitu ida estadu harii CAVR ho CVA", hateten Hugo, iha kampus UNITAL, 02/10

Sorin seluk Reitor Universidade Oriental Timor lorosa’e, Florindo Pereira hatete husi eventu ida ne’e atu bele dezamina informasaun ba estudantes universitario kona ba sofrimentu sira ne’ebé akontese iha pasadu, nune’e bele prepara an ba futuru

“Eventu ida ne’e espesial ba estudante no dosentes sira, atu nune sira bele hatene oinsa mak ita too iha independensia, tanba ne’e atu hanoin fila fali, ita bele hatene no ita prepara an ba iha futuru”, tenik Reitor UNITAL

Maske nune’e reitor realsa liutan katak UNITAL mos iha departamentu istoria no bele halo parseria ida ho CNC, nune’e bele servisu hamutuk  wainhira hetan formasaun husi CHEGA iha tempo badak nia laran. * [ Francisco Jose De Almeida | Editor: Zevonia Vieira | TAFARA.TL | 02.10.2019 ]