Home Sosial & Politika ATK Harii Atu Defende Direitus no Dever Konsumedor Bazea ba Konstituisaun Artigu 53

ATK Harii Atu Defende Direitus no Dever Konsumedor Bazea ba Konstituisaun Artigu 53

134
0
SHARE
ATK Harii Atu Defende Direitus no Dever Konsumedor Bazea ba Konstituisaun Artigu 53

Caption: Presidente Tane Konsumidor, Antonio Ramos da Silva. [Foto: Francisco JDA | 18.02.2020]

Assosiasaun Tane Konsumidor [ATK]  nudar asosiasaun advokasia ne’ebe atu hare liu kona ba direitu konsumidor sira nian,  garantia ba sasan sira hanesan bens  movies no bens imovies, tanba iha konstituisaun RDTL artigu 53, koalia kona ba direitu konsumidor sira nian. Maske liu tiha tinan 14 resin hafoin produz Lei baze ba Protesaun Konsumidor no 8/2016 atu defende konsumidor sira nia direitu.

Tuir Presidente Tane Konsumidor, Antonio Ramos da Silva ba jornalista hatete Konstituisaun iha artigu 53 interesante ba direitu konsumidores iha, maibe wainhira la iha asosiasaun atu halo advokasia ba konsumidor ida signifika Lei ne’e sei la iha sentidu, Lei ne’e mai para atu implementa direitu defeza konsumidor sira nian, tanba  sasan ne’ebe konsumu  mai hosi rai hotu- mekanismu kontrola la iha,  organizasaun reprezenta konsumidor mos la iha, atu halo ninia ezisencia ka protege

Antonio esplika  asosiasaun ne’e harii atu defende ba direitus no dever konsumidor, tanba ema hotu konsume produtu agrikula, asesu produtus eletroniku hanesan telemovel, relojiu, sasan eletroniku sira nune’e iha direitu no dever  atu proteze hosi Lei.

“Durante tinan ida nia laran, hetan apoio hosi Uniaun Europeu halo ona sosializasaun desde 2019 hosi Janeiru too Dezembru,  sosializasaun kona ba produtu asesu ba informasaun liu-liu produtu sira tenke hakerek ho lian ne’ebe konsumidor sira komprende, produtu nia garantia presiza iha”,  tenik Antonio  hafoin hala’o Aniversario Tane Konsumidor nian ba dala rua iha Vila-Verde 17/02

Entertantu  Jurista iha Asosiasaun Tane Konsumidor,  Juvencio Amaral informa ba Neon Metin hatete direitu konsumidor nudar direitu fundamental ida ne’ebe konsagra iha Lei  artigu 53 hatete  Konsumidór sira iha direitu atu simu sasán no serbisu ne’ebé maka iha kualidade, no mós atu hatene informasaun loos, kona-ba sasán sira-ne’e, atu proteje sira-nia saúde, seguransa no mós interese ekonómiku hanesan mós atu bele hadi’a buat ne’ebé aat.

“Realidade iha Timor konsumidor ba hola sasan ruma hanesan telefone, motor, ho sasan sira seluk, dalabarak ita koalia ho loja nain, ita husu ninia garantia tinan hira infelismente nia resposta ne’e kontradiz ho buat ne’ebe hakerek iha Lei, katak bens i moveis nao consumiveis ne’e lolos nia garantia ne’e minimu tinan ida”, hateten Juvencio. * [ Francisco JDA | Editor: Zevonia Vieira | TAFARA.TL | 18.02.2020 ]