Home Sosial & Politika PD Iha Ona Opsaun Atu Hili Entre CNRT ka PLP

PD Iha Ona Opsaun Atu Hili Entre CNRT ka PLP

120
0
SHARE
 PD Iha Ona Opsaun Atu Hili Entre CNRT ka PLP

Caption: Partidu Demokratiku halo konferensia imprensa. [Foto: Zevonia Vieira | 20.02.2020]

“Ami bele ho se deit maibe ami nia governasaun ne’ebe ami hola parte ne’e tenke nakloke tenke nafatin inkluzaun tanba ne’e governu ida ne’e mak atu resolve impase ida, nia labele hamrik no labele taka an no ami sei la fasilita governu ida ne’ebe atu hanehan ida seluk”. Asanami

Partidu Demokratiku [PD] halao konferensia nasional hodi desidi pozisaun ba situasaun politika ne’ebe lao hela iha rai laran. Hafoin remata konferensia nasional, Prezidente PD, Mariano Sabino Asanami ba jornalista katak impase ida ne’e fo ona implikasaun makaas tebes ba social, ekonomia no ita nia relasaun politika, tanba ne’e PD hanoin katak presiza normaliza fila fali ita nia ekonomia, presiza normaliza fila fali ita nia komunikasaun politiku, no presiza hametin fila fali ita nia koezaun social ne’ebe mak ita iha.

PD nia hanoin katak hamosu grande inkluzaun ida ne’ebe mak atu involve maun sira iha laran hotu, para ita bele hakat liu impase politiku tinan rua ne’e,ita bele lao hamutuk ba oin, maibe binhira ami hasoru malu, ami hetan fali proposta ne’ebe diferente, sira la simu proposta ne’ebe grande inkluzaun, ne’ebe mak atu involve ema hotu iha laran no ami mos bele oferese ami nia an katak karik ami mak bolu para ita lao hamutuk, maibe opsaun sira ne’ebe labele no ami hetan fali opsaun hosi partidu rua mak fo opsaun ida mak hosi CNRT no ida mak hosi PLP. Ohin ami halo diskusaun kritiku no opsaun ne’ebe iha normalmente PD tenke foti.

PD foti desizaun iha kolektividade ida ne’ebe partisipa hosi delegasaun municipiu tomak, no desidi hamutuk iha konferensia nasional no sei tur hamutuk hodi desidi no sei hakerek karta ba proposata sira ne’ebe mak hosi partidu rua ne’ebe tiha ona ba PD, "ami sei sumariza hanoin sira ne’e hotu hosi municipiu hatoo mai no PD sei tur hamutuk para haruka karta partidu politiku sira".

Ba TAFARA.TL  relasiona ho grande inkluzaun ne’ebe partidu boot sira lakohi, PD hili opsaun atu hamutuk ho CNRT forma governu ou mantein nudar opozisaun hamutuk ho FRETILIN?

Hatan ba TAFARA.TL Asanami hateten, PD sei tur hamutuk no foti desizaun hamutuk, ami rona ona pozisaun hosi municipiu sira, ami la desidi agora maibe sei tur hamutuk no haruka karta ba proposta ne’ebe iha.

“Ami bele ho se deit maibe ami nia governasaun ne’ebe ami hola parte ne’e tenke nakloke tenke nafatin inkluzaun tanba ne’e governu ida ne’e mak atu resolve impase ida, nia labele hamrik no labele taka an no ami sei la fasilita governu ida ne’ebe atu hanehan ida seluk” hateten Asanami, iha sede PD Kolmera, 20/02. * [ Zevonia Vieira | TAFARA.TL | 20.02.2020 ]