Home Sosial & Politika Ohin PR Sei Haruka Karta Ba PN, Hodi Autoriza Prezidente Dekreta Estadu Emerjensia

Ohin PR Sei Haruka Karta Ba PN, Hodi Autoriza Prezidente Dekreta Estadu Emerjensia

135
0
SHARE
 Ohin PR Sei Haruka Karta Ba PN, Hodi Autoriza Prezidente Dekreta Estadu Emerjensia

Caption: Chefe Casa Sivil, Francisco Vasconcelos. [Foto: Santina Lucia da Costa | 24.03.2020]

Rezultadu enkontru entre Prezidente da Republika ho membru Konsellu Estadu, rezulta katak Prezidente da Republika sei lori karta ba Parlamentu Nasional hodi auotoriza Prezidente da Republika, hodi dekreta Estadu Emerjensia.

Hafoin remata enkontru, Chefe Casa Sivil, Francisco Vasconcelos ba jornalista sira hateten  Prezidente da Republika horseik iha oras 12.45 minutus, simu pedidu hosi governu atu Prezidente dekreta Estadu Emerjensia.

“Bainhira Prezidente da Republika simu tiha pedidu ne’e, Prezidente konvoka kedas reuniaun ba konsellu rua hanesan konsellu Superior Defeza Seguransa no Konsellu Estadu. Prezidente mos konvida ema tekniku rua hanesan Dr. Rui Araujo no  Dra. Danina Coelho, hodi fo opiniaun ba konseleiru sira”, hateten Chefe Casa Sivil iha Palacio Prezidensia, 24/03.

Chefe Casa Sivil hatutan Konseleiru mos fo sira nia opiniaun ne’ebe favoravel ba Prezidente da Republika, atu hatoo karta ba Parlamentu Nasional, hodi autoriza Prezidente da Republika dekreta Estadu de emerjensia.

Hatan ba Tatoli.IP konaba bainhira mak lori karta ba Parlamentu Nasional, Chefe Casa Sivil hatan katak posibilidade ohin duni depois de enkontru konsellu rua nian ou tarde liu aban, maibe tenta ohin haruka ba Parlamentu tanba ida ne’e urjente.

Pontus importante saida mak sei hatoo ba Parlamentu Nasional, ba Tatoli.IP, Chefe Casa Sivil hatan Pontus importante ne’e relasiona ho rezolusaun ne’ebe mak governu fo sai, rezolusaun ida ne’e mak sei hatoo ba Parlamentu Nasional, bainhira sira autoriza Prezidente sei dekreta ba Estadu Emerjensia.

Rezolusaun ne’ebe mak aprova ona iha loron 16 Marsu 2020 konaba COVID-19 mak sidadaun estranjeiru ne’ebe iha semana haat nia laran liuba, hela ka liu hosi pais afetadu ho corona virus, tuir oMS fo hatene labele tam alai iha Timor-Leste, Primeiru Ministru bele autoriza balun tama tuir kriteriu iha rezolusaun ne’e.

Pontus seluk iha rezolusaun ne’ebe mak publika iha jornal da Republika mak sei asegura posibilidade halo evakuasaun medika urjente n aviaun, hodi hatama ai-moruk no material hospitalar mai fo tulun bai ta. * [ Santina Lucia da Costa | Editor: Zevonia Vieira | TAFARA.TL | 24.03.2020 ]